Եթե նրանք Iphone ունեն, մյուս կողմն էլ Samsung ունի. Էրդողանը կբոյկոտի ամերիկյան արտադրության էլեկտրոնիկան

Թուրքիայի նախագահ Ռեջեփ Թայիփ Էրդողանը հայտարարել է, որ երկրում ամերիկյան արտադրության էլեկտրոնիկայի դեմ բոյկոտ կլինի:

Ըստ DHA-ի` Էրդողանը նման հայտարարություն է հնչեցրել ԱՄՆ-ի կողմից Թուրքիայի դեմ պատժամիջոցներ կիրառելու որոշման շրջանակներում:

«Մենք էլ կբոյկոտենք ամերիկյան արտադրության էլեկտրոնիկան: Եթե նրանք Iphone ունեն, մյուս կողմն էլ Samsung ունի: Մենք ինքնաբավ ենք լինելու: Այսուհետ մենք ունենալու ենք մեր արտադրանքը, և դրսից փող տալ, գնելու փոխարեն` մենք ենք արտադրելու և դուրս արտահանելու»,-ասել է Էրդողանը:

Հիշեցնենք, որ Էրդողանը նման ծիծաղելի հայտարարություն էր հնչեցրել օրեր առաջ` ասելով,- «Եթե նրանք դոլար ունեն, մենք էլ ժողովուրդ ունենք, Աստված ունենք»: