Փոքր ու միջին կազմակերպություններին և ձեռներեցներին հարկային վարչարարությամբ ավելորդ ծանրաբեռնել չի կարելի. ՊԵԿ նախագահ

Կառավարության այսօրվա նիստից հետո լրագրողների հետ ճեպազրույցում, անդրադառնալով ՓՄՁ հարկային վարչարարության վերաբերյալ հարցին, ՊԵԿ նախագահ Դավիթ Անանյանը նշեց. «Կա հրահանգ, որ փոքր ու միջին կազմակերպություններին և ձեռներեցներին հարկային վարչարարությամբ ավելորդ ծանրաբեռնել չի կարելի: Եթե այս կամ այն աշխատակիցը սխալ է հասկանում իրեն տրված հանձնարարությունը և, այնուամենայնիվ, գործողությունները խախտումներով է իրականացնում, մենք այդ ծառայողներից պետք է ազատվենք, դաշտը մաքրենք, նորերին բերենք»: Նա հավելեց, որ եթե ՊԵԿ աշխատակիցները չեն հասկացել, կարող են կոշտ ձևով հասկացնել և ևս մեկ անգամ հայտարարություն տարածել: