ՀՀԿ-ն չի մասնակցելու Երևանի քաղաքապետի ընտրություններին, չի առաջադրելու թեկնածու

Երևանի ավագանու «Հանրապետական կուսակցություն» խմբակցությունը հայտարարություն է տարածել, որում ասված է.

«Հաշվի առնելով երկրում ստեղծված նոր իրողությունը, Երևանի ավագանու «Հանրապետական կուսակցություն» խմբակցությունը հուլիսի 16-ին կայանալիք Երևանի քաղաքապետի ընտրություններին չի առաջադրելու թեկնածու և չի մասնակցելու Երևանի ավագանու համապատասխան նիստին։ Խորապես համոզված ենք, որ, ստեղծված իրավիճակում Երևան քաղաքի հետագա բնականոն և շարունակական զարգացումը ապահովելու նպատակով, նոր քաղաքապետին և ավագանու անդամներին պետք է ընտրեն մայրաքաղաքի բնակիչները։ ՀՀԿ-ն եւս չի մասնակցի Երեւանի քաղաքապետի ընտրությանը. կնշանակվեն նոր ընտրություններ»:

Հիշեցնենք, որ Երևանի քաղաքապետի ընտրություններին չի մասնակցելու «Ելք» խմբակցությունը, իսկ 3 անդամ ունեցող «Երկիր ծիրանի» խմբակցությունն առաջադրել է Զարուհի Փոստանջյանի թեկնածությունը: