Ադրբեջանը հուլիսին դարձյալ զորավարժություններ կանցկացնի

Ադրբեջանը, երկրի նախագահի կողմից հաստատված պլանի համաձայն, հուլիսի 2-6-ը ընկած ժամանակահատվածում լայնամասշտաբ զորավարժություններ կանցկացնի. հայտնում է АПА-ն:

Զորավարժություններին կմասնակցի 20 000 զինծառայող, 120 միավոր տանկ և այլ զրահատեխնիկա, տարբեր տրամաչափի 200 հրթիռա-հրետանային համակարգեր, ականանետներ, համազարկային կրակի ռեակտիվ համակարգեր, 30 միավոր ավիացիա:

Զորավարժությունների ժամանակ զորքերը կկատարեն տարբեր տեսակի զորքային գործողություններ, այդ թվում` պայմանական հակառակորդին կրակային հարված հասնելու գործողություն, ինչպես նաև նախահարձակ գործողություններ «օկուպացված տարածքները» ազատագրելու նպատակով: