Թրամփը` Մերկելի հետ վատ լուսանկարի մասին

ԱՄՆ նախագահ Դոնալդ Թրամփը Twitter-ի իր էջում մեկնաբանել է Կանադայում «Մեծ յոթնյակի» գագաթաժողովի ժամանակ արված լուսանկարը, որը մեծ տարածում էր գտել ԶԼՄ-ներում` շնորհիվ Գերմանիայի կանցլեր Անգելա Մերկելի խիստ հայացքի. հայտնում է Лента.ру-ն:

«Ես հիանալի հարաբերություններ ունեմ Անգելա Մերկելի հետ, սակայն կեղծ ԶԼՄ-ները ցույց են տալիս միայն բանակցային գործընթացից վատ լուսանկարներ, որոնցում ես խնդրում եմ բաներ, որոնց մասին չէր խնդրի ԱՄՆ և ոչ մի այլ նախագահ: Ֆեյքային ԶԼՄ-ները պնդում են, որ ես լեզու չեմ գտել G7-ի այլ առաջնորդների հետ, դա այդպես չէ»,- գրել է Թրամփը:

Գրառումը ուղեկցվել է գագաթաժողովից այլ լուսանկարով, որում առաջնորդները ժպտում են: