Ստացվում է` Էրդողանը դպրոց է ընդունվել իր ծնվելուց 4 տարի առաջ. նախագահի թեկնածուի ուշագրավ հայտարարությունը

Թուրքիայում գլխավոր ընդդիմադիր Ժողովրդահանրապետական կուսակցությունից նախագահի թեկնածու առաջադրված Մուհարրեմ Ինջեն հայտարարել է, որ գործող նախագահ Ռեջեփ Թայիփ Էրդողանը համալսարանում ուսանել է 1 հոգանոց կուրսում:

Ըստ  Sozcu-ի` նա նաև հայտարարել է, որ Էրդողանի` դպրոց գնալու մասին խոսքը լուրջ ընդունելու դեպքում ստացվում է, որ նա դպրոց է ընդունվել իր ծնվելուց դեռևս չորս տարի առաջ: «Էրդողանն ասում է, թե ինքը միակուսակցական կառավարման ժամանակաշրջանում 75 հոգանոց դասարաններում է սովորել:  Ասեմ`այդ միակուսակցական համակարգին վերջ է դրվել 1950 թվականին, իսկ Էրդողանը ծնվել է 1954 թվականին: Ստացվում է` Էրդողանը դպրոց է ընդունվել իր ծնվելուց դեռևս 4 տարի առաջ»,- ասել է Ինջեն` նախընտրական հանրահավաքներից մեկի ժամանակ: