Իրանը և Իսրայելը գաղտնի բանակցություններ են վարել. Elaf

Սաուդյան «Էլաֆ» կայքը, որի խմբագրությունը գտնվում է Լոնդոնում, իր աղբյուրներին հղումով հայտնել է, որ  հանգստյան օրերին Ամմանում, հորդանանյան կողմի միջնորդությամբ, բանակցություններ են կայացել Իրանի և Իսրայելի ներկայացուցիչների միջև, որոնց ընթացքում քննարկվել են ռազմական գործողությունները Սիրիայի հարավային շրջաններում:

Թերթը պնդում է, որ իրանցիները խոսք են տվել չմասնակցել Սիրիայի հարավում ռազմական գործողություններին` Իսրայելի հետ սահմանից ոչ հեռու: Իսրայելցիները, իրենց հերթին, խոստացել են չմիջամտել ռազմական գործողություններին, եթե դրանց չմասնակցեն իրանական ուժերը և լիբանանյան «Հըզբոլլահ»-ը: