ԱՄՆ-ում փակվել է Ադրբեջանի շահերի լոբբինգ իրականացնող ընկերություն

Podesta Group լոբբիստական ընկերության գործունեությունը դադարեցվել է` կապված ԱՄՆ հատուկ դատախազ Ռոբերտ Մյուլլերի հետաքննության հետ. հայտնում է АПА-ն:

Հետաքննելով ԱՄՆ նախագահ Դոնալդ Թրամփի նախկին օգնական Փոլ Մանաֆորտի գործունեությունը Ուկրաինայում` ի շահ ռուսամետ Ռեգիոնների կուսակցության ` Մյուլլերը հայտնաբերել է, որ Podesta Group-ը PR-ծառայություններ է մատուցել Մանաֆորտին, իսկ նրա միջոցով` նաև «Ժամանակակից Ուկրաինայի եվրոպական կենտրոն» ոչ կոմերցիոն կազմակերպությանը, որը վերահսկում էր Ուկրաինայի նախկին նախագահ Վիկտոր Յանուկովիչը: 

Հայտնի է դարձել նաև, որ ընկերությունը  Ադրբեջանի շահերի լոբբինգ է իրականացրել ԱՄՆ-ում ու մեծ գումարներ ստացել դրա դիմաց: