«Ծառուկյան» և «Ելք» դաշինքները չեն մասնակցի ՍԴ դատավորի ընտրությանը

Խորհրդարանը պատրաստվում է ընտրել ՍԴ դատավորի: ՍԴ անդամի պաշտոնում առաջադրված միակ թեկնածուն Էմիլ Բաբայանն է, ով երեկ խորհրդարանում հանդես էր եկել ելույթով։

Վարման կարգով ելույթ ունեցավ ԱԺ «Ծառուկյան» խմբակցության պատգամավոր Նաիրա Զոհրաբյանը և նշեց, որ իրենք չեն մասնակցելու ընտրություններին։ «Դատավորի թեկնածությունը առաջադրվել է իրավական բազմաթիվ ընթացակարգերի խախտմամբ»,- հայտարարեց նա։

«Ելք» խմբակցությունը ևս չի մասնակցի ընտրություններին: Այդ մասին հայտարարեց խմբակցության պատգամավոր Արտակ Զեյնալյանը:

Հիշեցնենք, որ ՍԴ անդամ ընտրվում է ԱԺ պատգամովորների 3/5-րդով (63 պատգամավոր): Էմիլ Բաբայանը ՍԴ անդամի թեկնածու է առաջադրվել ՀՀ նախագահ Արմեն Սարգսյանի կողմից: