Ոստիկանություն տարված քաղաքացիների թիվը հասել է 217-ի

Ժամը 17:00-ի դրությամբ ոստիկանության տարբեր բաժիններ են տարվել 217 քաղաքացիներ: Այս մասին Yerkir.am-ին հայտնեցին ոստիկանությունից:

Նշենք, որ ցուցարարները, խմբերի բաժանված, անհնազանդության գործողություններ են իրականացնում Երևանի գրեթե բոլոր բանուկ փողոցներում: Նրանց մի մասը Կոմիտասի պողոտայում է, մի մասը` քաղաքապետարանի մոտ:

Այսօր «Իմ քայլը» նախաձեռնությունը հերթական հանրահավաքն է անցկացնելու Հանրապետության հրապարակում:

Ոստիկանությունն էլ քիչ առաջ հերթական հայտարարությունն է տարածել` նշելով, որ իրականացվող գործողությունների անցանկալի բոլոր հետևանքների պատասխանատվությունը կրում են անօրինական հավաքների կազմակերպիչները: Ոստիկանությունը կոչ է անում անսալ ՀՀ ոստիկանության հորդորներին և դադարեցնել հակաիրավական գործողությունները: