Պուտինը և Թրամփը թույլ չեն տա, որ Ռուսաստանի և ԱՄՆ-ի միջև ռազմական դիմակայություն լինի. Լավրով

ԱՄՆ և ՌԴ նախագահներ Վլադիմիր Պուտինը և Դոնալդ Թրամփը, ինչպես նաև երկու երկրների զինվորականները 100 տոկոսով թույլ չեն տա ՌԴ-ի և ԱՄՆ-ի միջև ռազմական  բախում: Այդ մասին РИА Новости-ին տված հարցազրույցում ասել է ՌԴ ԱԳՆ ղեկավար Սերգեյ Լավրովը:

«Վերադառնալով ռազմական դիմակայության վտանգներին` կասեմ, որ 100 տոկոսով ելնում եմ այն բանից, որ զինվորականները դա թույլ չեն տա, իհարկե, թույլ չի տա նաև նախագահ Պուտինը, ոչ էլ, վստահ եմ, նախագահ Թրամփը: Նրանք ամեն դեպքում առաջնորդներ են, որոնք ընտրվել են իրենց ժողովուրդների կողմից, նրանք պատասխանատու են նաև ժողովրդի առաջ խաղաղության և հանգստության համար»,- ասել է նա:

ՌԴ-ի և ԱՄՆ-ի միջև հարաբերություններն ավելի են վատթարացել Սիրիայի հրթիռակոծությունից հետո: