Փաշինյանը քաղաքի տարբեր հատվածներում բողոքի ակցիաներ կիրականացնի

Հանրապետության հրապարակում հերթական հանրահավաքն է անցկացնում «Քաղաքացիական պայմանագիր» կուսակցության ղեկավար Նիկոլ Փաշինյանը: Հանրահավաքին հեռազանգով միացել է նաև կանադահայ դերասանուհի Արսինե Խանջյանը` իր աջակցությունը հայտնելով ցուցարաներին: Նիկոլ Փաշինյանն ազատության հրապարակում հայտարարեց, որ երեկ հեռախոսազրույց է ունեցել աշխարհահռչակ ռոք-երաժիշտ Sistem of A Down խմբի մենակատար Սերժ Թանկյանի հետ:

Նիկոլ Փաշինյանը հայտնեց, որ վաղը 08:00-ից մայրաքաղաքի տարբեր հատվածներում կմեկնարկեն բողոքների ակցիաները, իսկ երեկոյան 19:00-ին կմեկնարկի հանրահավաքը: Փաշինյանը իր ելույթում հայտարարեց, որ թավշյա հեղափոխությունը սարերի հետևում չէ: Հանրահավաքի ավարտին հաջորդեց երթը: