ԱՄՆ կառավարությունն արդեն 2-րդ անգամ ստիպված կլինի դադարեցնել աշխատանքը

ԱՄՆ կառավարությունը 3 շաբաթվա ընթացքում արդեն երկրորդ անգամ ստիպված կլինի դադարեցնել աշխատանքն այն պատճառով, որ դեմոկրատ և հանրապետական կոնգրեսականներին կրկին չի հաջողվել համաձայնության գալ բյուջեի օրինագծի շուրջ:

Ըստ The Guardian-ի՝ օրինագծի չընդունման պատճառով անհնար կլինի  ֆինանսավորել դաշնային կառավարությանը:

Հայտնի է դարձել, որ դեմոկրատներն օրինագծի ընդունմանը կողմ քվեարկելու դիմաց հանրապետականներից պահանջել են ԱՄՆ-ից չարտաքսել մանուկ հասակում ծնողների կողմից անօրինական ճանապարհով ԱՄՆ բերված երիտասարդներին:

Հիշեցնենք, որ ԱՄՆ դաշնային կառավարության աշխատանքը ժամանակավորապես դադարեցվել էր այս տարվա հունվարին` ֆինանսական խնդիրների պատճառով: