Առավելագույն թվեր և հաշվետվողականություն. հանձնարարական` կառավարության անդամներին ու մարզպետերին

Այսօր կառավարության նիստում վարչապետ Կարեն Կարապետյանը հանձնարարական տվեց հանրապետական գործադիր մարմինների` 2017թ. գործունեության հաշվետվության և 2018թ. աշխատանքների վերաբերյալ: Վարչապետի խոսքով` ներկայումս ներկայացվում են գործադիր մարմինների` 2017թ. կատարած աշխատանքների հաշվետվությունները, ինչպես նաև 2018թ. համար նախատեսված միջոցառումները:

«Հաշվի առնելով հանրության հետ հետադարձ կապի և հաշվետվողականության կարևորությունը` հանձնարարում եմ գործադիր մարմինների ղեկավարներին և մարզպետներին` ըստ ոլորտների, հանրությանը 20-օրյա ժամկետում ներկայացնել 2017թ. նախաձեռնած բարեփոխումների, ներդրումային ծրագրերի, միջոցառումների և գերակա խնդիրների լուծմանն ուղղված աշխատանքների վերաբերյալ հաշվետվություն: Ներկայացնել նաև 2018թ. համար նախատեսված միջոցառումների ծրագրերը, կատարման հստակ ժամկետները»,- ասաց վարչապետը` հավելելով, որ ակնկալում է առավելագույն թվեր և հաշվետվողականություն: