Էլեկտրական ծխախոտը քայքայում է ԴՆԹ-ն և նպաստում քաղցկեղի առաջացմանը

Էլեկտրական ծխախոտի արձակած գոլորշին ախտահարում է ԴՆԹ-ն, ինչն էլ մեծացնում է քաղցկեղի առաջացման հավանականությունը: Այդ եզրահանգմանն են եկել Նյու Յորքի համալսարանի բժշկական դպրոցի գիտնականները. հայտնում է meddaily.ru-ն:

Անցկացվել է գիտափորձ, որի շրջանակներում մկները 3 ամիս շնչել են նիկոտին պարունակող էլեկտրական ծխախոտի ծուխը: Արդյունքում՝ այդ  կենդանիների մոտ հայտնաբերվել են ավելի շատ ախտահարված ԴՆԹ-ով բջիջներ սրտամկանում, թոքերում ու միզապարկում, քան այն մկների մոտ, որոնք այդ ընթացքում մաքուր օդ են շնչել: Դրանից բացի` այդ մկների մոտ վնասված ԴՆԹ-ն ավելի վատ է վերականգնվում:

Ըստ գիտնականների`էլեկտրոնային ծխախոտները պարունակում են ավելի քիչ քաղցկեղածին նյութեր, քան հասարակ ծխախոտը, այնուամենայնիվ, դրանք նույնպես նպաստում են քաղցկեղի առաջացմանը: