Արցախում անցկացված զորավարժությունները ամրապնդեցին դիվանագիտական հաջողությունները. Շարմազանով

Այսօր տեղի է ունեցել ՀՀԿ ԳՄ հերթական նիստը: Նիստի ավարտից հետո ՀՀԿ խոսնակ Էդուարդ Շարմազանովը պատասխանեց լրագրողների հարցերին: Նա նախ անդրադարձավ օրեր առաջ Արցախում տեղի ունեցած լայնամասշտաբ զորավարժություններին, որոնց ներկա են եղել ՀՀ և Արցախի նախագահները:

«Սրանք աննախադեպ զորավարժություններ էին և քանակով և տեխնիկայի տեսակներով: Այս զորավարժությունները եկան ապացուցելու, որ դիվանագիտական հաջողությունները նախ և առաջ ամրապնդվում են մարտունակ բանակով և զորքի մարտական ոգով: Եվս մեկ անգամ ի ցույց դրվեց Արցախի ինքնապաշտպանական ուժերի բարձր մարտունակությունն ու պատրաստվածությունը»,- ասաց Շարմազանովը: