Գյուղացիները կսկսեն մաքուր էջից, բայց հետագայում պարտքեր չպետք է կուտակեն. Կարեն Կարապետյան

ՀՀ կառավարությունը ներում է պետական աջակցության ծրագրերի շրջանակում 2011- 2016թթ․ աշնանացան ցորենի էլիտա ու առաջին վերարտադրության, գարնանացան գարու, առվույտի, կորնգանի սերմացու և 2015- 2016 թթ, պարարտանյութեր ստացած ու բնական աղետներից (կարկտահարություն, ցրտահարություն, սելավ) տուժած հողօգտագործողների պարտքերը: ՀՀ գյուղատնտեսության նախարար Իգնատի Առաքելյանը նշեց, որ կուտակվել է 642 մլն դրամի սերմնացուի և 165 մլն դրամի պարարտանյութի պարտք:

«Ֆիքսում ենք, որ այսօրվանից սկսում ենք մաքուր էջից, բայց հետագայում պարտքեր չենք կուտակելու: Բացառվում է, որ կրկին գանք իրավիճակի, երբ գյուղացիների մոտ պարտքեր կկուտակվեն»,-ասաց վարչապետը: