Սահակաշվիլին հրաժարվել է հարցաքննության ներկայանալ

Վրաստանի նախկին նախագահ, Օդեսայի նախկին նահանգապետ Միխեիլ Սահակաշվիլին մտադիր չէ ներկայանալ դեկտեմբերի 6-ին նշանակված հարցաքննությանը. հայտնում է Украинская правда-ն: Այդ մասին հայտնել է քաղաքական գործչի ղեկավարած «Նոր ուժերի շարժում» կուսակցության մամուլի քարտուղար Մարյանա Պոչտարը:

«Սահակաշվիլին որևէ ընթացակարգային փաստաթուղթ չի ստորագրել և չի ստացել՝ ո՛չ նա, ո՛չ նրա փաստաբանները: Նա իր դեմ եղած կասկածի մասին ծանուցում չի ստացել»,- մանրամասնել է նա:

Հիշեցնենք, որ երեկ ոստիկանությունը խուզարկություն էր անցկացրել նրա տանը, Սահակաշվիլին բարձրացել էր 8-հարկանի շենքի տանիքը և սպառնում էր ցած նետվել, եթե նրան մոտենան: Նրան հաջողվել էր ձերբակալել, սակայն ավելի ուշ նրա կողմնակիցները ազատել էին նրան ոստիկանների ձեռքից: Սահակաշվիլիին մեղադրել են իշխանափոխության փորձի մեջ: