Ղրղզստանը չեղարկել է ԵԱՏՄ շրջանակում տնտեսական համագործակցության մասին Ղազախստանի հետ համաձայնագիրը

Ղրղզստանի խորհրդարանը հինգշաբթի երրորդ և վերջնական ընթերցմամբ ընդունել է եվրասիական տնտեսական ինտեգրման պայմաններում տնտեսական համագործակցության զարգացման մասին Ղազախստանի հետ համաձայնագրի չեղարկման մասին օրինագիծը. հայտնում է РИА Новости-ն:

Տեղեկության համաձայն`համաձայնագիրը չեղարկվել է Բիշքեկի և Աստանայի միջև դիվանագիտական սկանդալի ֆոնին, որը տեղի է ունեցել հոկտեմբերին Ղրղզստանում անցկացված նախագահական ընտրություններից առաջ:

Հիշեցնենք, որ Ղրղզստանին դուր չէր եկել այն, որ Ղազախստանի նախագահ Նուրսուլթան Նազարբաևը հանդիպել էր Ղրղզստանի նախագահի թեկնածու Օմուրբեկ Բաբանովի հետ: Ալմազբեկ Աթամբաևը մեղադրել էր Ղազախստանին երկրի ներքին գործերին միջամտելու մեջ: Դրանից հետո ղազախական կողմը խստացրել էր Ղրղզստանի հետ սահմանի անվտանգությունը, ինչի արդյունքում սահմանը հատող քաղաքացիների թիվը կրճատվել է 2,5 անգամ: