Պապիլոմա վիրուսային վարակի դեմ պատվաստումների վերաբերյալ որոշումն ընդունվեց

Այսօր կառավարության նիստում առողջապահության նախարար Լևոն Ալթունյանը ներկայացրեց որոշման փոփոխություն, որի նպատակն է 2017թ. դեկտեմբերից Հայաստանում պապիլոմա վիրուսային վարակի դեմ պատվաստումներ իրականացնել 13 տարեկան աղջիկների շրջանում` երկու դեղաչափ սխեմայով` 6 ամիսը մեկ անգամ: Որոշումը համահունչ է Առողջապահական համաշխարհային կազմակերպության պաշտոնական դիրքորոշմանը: Պատվաստումները նպատակ ունեն կանխել արգանդի պարանոցի քաղցկեղը:

Ըստ նախարարի` Հայաստանում արգանդի պարանոցի քաղցկեղը երկրորդ տեղում է կրծքագեղձի քաղցկեղից հետո: Նա նաև նշեց, որ պապիլոմա վիրուսի դեմ պատվաստումներն ունեն բարձր արդյունավետություն:

Նախատեսվում է պատվաստել 16 հազար 13 տարեկան աղջիկների: