Գորիսում ձայների բացարձակ մեծամասնությամբ քաղաքապետ է ընտրվել 26-ամյա Առուշ Առուշանյանը

Երեկ Գորիսում կայացած ՏԻՄ ընտրություններում հաղթանակ է տարել քաղաքապետի ժամանակավոր պաշտոնակատար` 26-ամյա գործարար Առուշ Առուշանյանը: ԿԸՀ կայքից տեղեկանում ենք, որ ընտրություններին մասնակցել է ընտրական իրավունք ունեցող 22148 քաղաքացուց 13162-ը, այսինքն` ընտրողների 59.43 տոկոսը:

Ընտրությունների նախնական արդյունքներով՝ ՀՀԿ-ի կողմից առաջադրված Առուշ Առուշանյանը ստացել է 12945 ձայն, իսկ նրա միակ մրցակից` Գորիսի նախկին քաղաքապետ Սամվել Հարությունյանը` ընդամենը 56 ձայն:

Հիշեցնենք, որ երկու ամիս առաջ Գորիսի նախ­կին քաղաքապետ Վաչագան Ադունցի հրաժարականից հետո վարչապետ Կարեն Կարապետ­յանը քաղաքապետի ժամանակավոր պաշտոնակատար էր նշանակել Առուշ Առուշանյանին: