Մարսում մարդիկ ավելի շուտ կծերանան

Մարսում մարդկությանը սպասվում է վաղաժամ ծերացում: Նման եզրահանգման է եկել մասնագետների մի խումբ, որը զբաղվում է կարմիր մոլորակը գաղութացնելու խնդրի վերլուծությամբ: Այս վարկածն առաջ քաշելուց առաջ գիտնականները փորձ են կատարել սնկերի ու քարաքոսերի վրա, որոնք տեղակայվել են Մարսի պայմաններին հնարավորինս մոտ միջավայրում:

Ըստ գիտնականների՝ Մարսում երկրային կենդանի օրգանիզմների ծերացման համար բազմաթիվ գործոններ կան: Դրանցից մեկը տիեզերքից անմիջական ճառագայթումն է, որը քայքայում է մարդու գենային կառուցվածքը: Ծերացմանը նպաստող գործոններից մեկն էլ ավելի փոքր ձգողականությունն է:

Ըստ մասնագետների՝ մարդկությունը չի կարողանա ամբողջապես հարմարվել Մարսի պայմաններին առնվազն մի քանի սերունդ: