Ռուբեն Հայրապետյանն այս տարիների ընթացքում շատ շատ մեծ բաներ է արել հայկական ֆուտբոլի համար. Շարմազանով

Այսօր ՀՀԿ ԳՄ նիստից հետո ՀՀԿ խոսնակ Էդուարդ Շարմազանովը անդրադարձավ քիչ առաջ ավարտված Հայաստան-Լեհաստան ֆոիտբոլային խաղին, որտեղ Հայաստանը խոշոր հաշվով պարտություն կրեց: Լրագրողների դիտարկմանը, թե այդ պարտություններում իր մեղքն ունի ՀՖՖ նախագահ Ռուբեն Հայրապետյանը, Շարմազանովը չհամաձայնեց, ասելով. «Ռուբեն Հայրապետյանն այս տարիների ընթացքում շատ շատ մեծ բաներ է արել հայկական ֆուտբոլի համար: Երբ Հայաստանի հավաքականը հաղթանակներ էր տոնում, կարող էիք չէ՞ այդ ժամանակ ասել. «Կեցցե Հայրապետյանը»:Ուրեմն եթե այն ժամանակ չեք ասել. «Ապրի Հայրապետյանը», էսօր մի քննադատեք: Նա անում է հնարավորինս ամեն ինչ հայկական պատանեկան ֆուտբոլը զարգացնելու համար: Ես հավատում եմ մեր հավաքականին, ես անուղղելի լավատես եմ, պետք չէ վհատվել: Բրազիլիայի նման հավաքականը պարտվեց Գերմանիային, բայց Բրազիլիայում ոչ ոք երես չթեքեց Բրազիլիայի հավաքականից»,- ասաց Շարմազանովը: