Լարված իրավիճակ և բախումներ Ջավախքում. հայերին թույլ չեն տալիս խաչքար տեղադրել

Առավոտից լարված իրավիճակ է Ջավախքի հայաբնակ Գումբուրդո բնակավայրում: Այս մասին տեղեկանում ենք Jnews.ge կայքից: Բնակիչները փորձում են խաչքար տեղադրել տեղի 10-րդ դարի եկեղեցու բակում, սակայն տեղի իշխանությունները թույլ չեն տալիս: Առավոտյան բախում է տեղի ունեցել ոստիկանների և գյուղացիների միջև:

Բնակավայր է բերվել նաև Վրաստանի ոստիկանության հատուկ նշանակության գումարտակ: Այս պահին բանակցություններ են ընթանում բնակիչների և ոստիկանների միջև: Ջավախահայերը ոստիկաններին հիշեցնում են, որ հայերն ու վրացիները բարեկամներ են:

Գյուղացիները սպասում են, որ միջադեպի կապակցությամբ գյուղ կժամանի Վրաստանի ներքին գործերի նախարար Գեորգի Մգեբրիշվիլին: