Աշոտյանն ու Թանդիլյանն Ադրբեջանում հնարավորություն չեն ունեցել մտնել հայկական եկեղեցու տարածք

«Եվրանեսթ» ԽՎ-ում ՀՀ ԱԺ պատվիրակության ղեկավար, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը և պատվիրակության անդամ Մանե Թանդիլյանն այցելել են Բաքվում գտնվող հայկական եկեղեցու տարածք, որն այժմ գրադարան է: Այս մասին տեղեկանում ենք ՀՀ Ազգային ժողովի արտաքին հարաբերությունների մշտական հանձնաժողովի ֆեյսբուքյան էջից:

«Բաքվում գտնվող մեր պատվիրակները տրամադրել են նկարներ: Սա նախկին հայկական եկեղեցին է Բաքվում, որը չի գործում։ Այն պատկանում է Ադրբեջանի նախագահի գրադարանին։ Եկեղեցու տարածքը և շենքը փակ է։ Մեր պատվիրակները հնարավորություն չեն ունեցել մուտք գործել եկեղեցու տարածք»,-տեղեկանում են ֆեյսբուքյան էջից: