Կհաստատվի հաշմանդամային սպորտի զարգացման հայեցակարգը

Կառավարության այս շաբաթվա նիստի օրակարգում ՀՀ սպորտի և երիտասարդության հարցերի նախարարությունը ներառել է Հայաստանում հաշմանդամային սպորտի զարգացման հայեցակարգին հավանություն տալու մասին որոշումը:

Հայեցակարգի մշակման հիմնական նպատակն է՝ Հայաստանի Հանրապետությունում հաշմանդամային սպորտի զարգացման, ֆիզիկական վարժություններով մշտապես զբաղվելու, առողջ կենսակերպի գաղափարի արմատավորման և տարածման, տարբեր խմբերի հաշմանդամություն ունեցող անձանց` հասարակությանն ինտեգրվելու գործընթացի խթանումը, հաշմանդամություն ունեցող անձանց մասնակցությունը բոլոր մակարդակներում անցկացվող մարզական միջոցառումներին, մարզական և առողջարարական գործունեության մեջ հաշմանդամություն ունեցող անձանց ներգրավվելու հնարավորություն ունենալուն նպաստելը, հաշմանդամություն ունեցող անձանց համար մարզական և առողջարարական վայրերի մատչելիության ապահովումը։