Ռասիստ, ֆաշիստ, անարգ. Կարո Փայլանը՝ Անկարայի քաղաքապետին

Թուրքիայի քրդամետ Ժողովուրդների դեմոկրատական կուսակցության հայ պատգամավոր Կարո Փայլանն արձագանքել է Անկարայի քաղաքապետ Մելիհ Գյոքչեքի հերթական հայատյաց ելույթին:

Միջանյալ նշենք, որ Գյոքչեքը Twitter-ի իր էջում վիրավորել է թուրքական ծագմամբ գերմանացի պատգամավոր, Կանաչների կուսակցության համանախագահ Ջեմ Օզդեմիրին, ով Հայոց ցեղասպանության ճանաչման ուղղությամբ աշխատանքներ է տանում: Տեղադրելով Օզդեմիրի նկարը՝ Գյոքչեքը նրան անվանել է «հայի սպասավոր», «դավաճան»:

Փայլանն իր թվիթերյան էջում խիստ պատասխան է տվել քաղաքապետին ՝ գրելով. «Օզդեմիրը պատմության մեջ կմտնի  որպես Թուրքիայի հպարտություն, իսկ դու՝ որպես ռասիստ, ֆաշիստ, անարգ»: