Տավուշում հակառակորդի կրակոցներից զինծառայող է վիրավորվել. նրան տեղափոխում են Երևան

Երեկ Տավուշի մարզի Բերդի տարածաշրջանի Պառավաքար գյուղի պաշտպանական դիրքում հակառակորդի կրակոցից վիրավորվել է պայմանագրային զինծառայող Արթուր Մայրանյանը: Այս մասին տեղեկացանք ՀՀ ՊՆ-ից:

Yerkir.am-ի հետ զրույցում Պառավաքարի գյուղապետի տեղակալ Սարգիս Մարգարյանը նշեց, որ գնդակը վնասել է զինծառայողի ձեռքն ու մեջքը: «Բժիշկներն ասել են` Մայրանյանը վիրահատության կարիք ունի, և հիմա նրան արդեն իսկ Երևան են տեղափոխում»,-ասաց Մարգարյանը:

Նա տեղեկացրեց նաև, որ զինծառայողը երկու անչափահաս երեխա ունի` աղջիկ ու տղա: Ըստ գյուղապետի տեղակալի` Մայրանյանն էր աշխատում և տունը պահում.«Ծնողներն էլ իրենց հետ են ապրում` մեծ մարդիկ են` 70-ն անց, չեն աշխատում»: