Գերմանիան, չթույլատրելով իմ ելույթը, ինքնասպանություն է գործում. Էրդողան

Թուրքիայի նախագահ Էրդողանը գերմանական Die Zeit-ի հետ զրույցում նշել է, որ Գերմանիան ինքնասպանություն է գործում՝ իր ելույթը չթույլատրելով:

Ըստ Demokrathaber-ի՝  նա նշել է, որ ինքը ոչ մի խնդիր չունի Գերմանիայի կանցլեր Մերկելի հետ: Ինչ վերաբերում է Գերմանիայում իր ելույթը չթույլատրելուն՝ Էրդողանը նշել է. «Գերմանիան, չթույլատրելով իմ ելույթը, ինքնասպանություն է գործում»:

Նա նշել է, որ Թուրքիան և Գերմանիան միմյանց կարիքն ունեն, սակայն հայտարարել է, որ Թուրքիան շարունակելու է Գերմանիային դիտարկել որպես ահաբեկչներին աջակցող երկիր այնքան ժամանակ, քանի դեռ Գերմանիան Թուրքիային չի վերադարձրել Գյուլենական շարժման աջակիցներին: