Դինքի սպանության գործով դատական գործընթացի մեկնարկից 10 տարի է անցել

Տասը տարի առաջ այս օրը Ստամբուլում սկսվել է «Ակօս» թերթի հիմնադիր Հրանտ Դինքի սպանության գործով դատական գործընթացը:

Ըստ Demokrathaber-ի՝  այս առիթով «Հրանտի ընկերներ» նախաձեռնության անդամները հերթական անգամ հավաքվել են Ստամբուլի Չաղլայան արդարադատության պալատի դիմաց: Նրանք նշել են, որ արդեն 10 տարի է անցել սպանությունից, սակայն մեղավորները դեռ չեն պատժվել:

Բացի այդ, այսօր առաջին անգամ մեկնարկել է նաև սպանության գործով նիստը, որի շրջանակներում քննվում է ոստիկանության աշխատակիցների և պետական գործիչների համատեղ գործը:

Չաղլայանի պալատի դիմաց հավաքվել են քրդամետ Ժողվուրդների դեմոկրատական կուսակցության պատգամավորները, այդ թվում՝ Կարո Փայլանը, «Ակօս»-ի՝ հայերեն բաժնի խմբագիր Եդվարդ Դանզիքյանն ու «Հրանտի ընկերները» նախաձեռնության անդամները: