Վահան Շիրխանյանի համար շտապօգնություն հրավիրեցին դատարան

Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանում վատացավ պաշտպանության նախկին փոխնախարար Վահան Շիրխանյանի ինքնազգացողությունը, և նրա համար շտապօգնության բրիգադ հրավիրեցին: Մինչ զինված  խմբի գործով դատավոր Արմեն Բեկթաշյանը նիստի մասնակիցներին կտեղեկացներ Շիրխանյանի առողջական վիճակի վատթարացման մասին, այս գործով ամբաստանյալներից ևս մեկը՝ Հարություն Սարիբեկյանը, հայտարարեց, որ ինքը ևս իրեն վատ է զգում և կարիք ունի ստուգման: Այսպիսով` դատական նիստը կես ժամով ընդմիջվեց:

Հիշեցնենք, որ այս գործով ամբաստանյալի կարգավիճակում գտնվող 20 անձանցից 12-ը գտնվում են կալանքի տակ, 5-ի նկատմամբ խափանման միջոց է ընտրվել չհեռանալու մասին ստորագրությունը, իսկ 3-ի նկատմամբ կիրառվել է գրավ:

Հանցախմբի «պարագլուխ» Արթուր Վարդանյանի հետ ամբաստանյալի աթոռին են խմբին ֆինանսավորողը՝ հայր Անտոնը, և պաշտպանության նախկին փոխնախարար Վահան Շիրխանյանը: