Տեղակալը շռայլություն է. արդարադատության փոխնախարար

ԱԺ արտահերթ նիստում երկրորդ ընթերցմամբ քննարկվում է «Հանրային ծառայությունները կարգավորող հանձնաժողովի մասին» օրենքում փոփոխություններ և լրացումներ կատարելու մասին նախագիծը:

Արդարադատության փոխնախարար Արթուր Հովհաննիսյանը նշեց, որ առաջարկների արդյունքում որոշվել է, որ հանձնաժողովի նախագահը տեղակալ այլևս չպիտի ունենա: Հանձնաժողովը պիտի բաղկացած լինի նախագահից ու 4 անդամներից: «Տեղակալը մի փոքր շռայլություն է ու անհարկի բյուջետային ծախս»,- ասաց նա:

Նախագծով նաև առաջարկվում է սպառողների շահերը պաշտպանող հասարակական կազմակերպություններին ֆինանսական աջակցություն տրամադրել հանձնաժողովի կողմից: Երկրորդ ընթերցման ժամանակ արդեն փոխվել է տրամադրմանը կարգը` այն ոչ թե հանձնաժողովն է սահմանելու, այլ կառավարությունը: