Հրապարակվել են մուսուլման լիդերներին նվիրված Թրամփի ելույթից հատվածներ

Սպիտակ տունը լրագրողների համար հրապարակել է հատված արաբա-ամերիկյան գագաթաժողովում  ԱՄՆ նախագահ Դոնալդ Թրամփի` մուսուլման աշխարհին նվիրված ծրագրային ելույթից: Դատելով ելույթի այդ հատվածային ներկայացված հրապարակումներից, կարելի է եզրակացնել, որ Թրամփը մուսուլման աշխարհի 50 երկրների ղեկավարներին կոչ է անում համատեղ պայքարել ծայրահեղականության դեմ «բարի և չարու միջև պայքարի» շրջանակներում:

«Մեր նպատակը ազգերի կոալիցիա ստեղծելն է, ազգեր, որոնք կիսում են ծայրահեղականության ոչնչացման վերաբերյալ որոշումները, ինչը Աստծո առաջ պատվով  կապահովի մեր երեխաների ապագան»,- ասել է Թրամփը:

Միաժամանակ Թրամփը ընդգծում է, որ ամեն անգամ, երբ ահաբեկիչը անմեղ մարդու է սպանում և տալիս է Աստծո անունը, ապա ամեն հավատացյալ դա պետք է վիրավորանք համարի:

«Սա առանձին կրոնների կամ քաղաքակրթությունների միջև պայքար չէ, սա պայքար է բարբարոս հանցագործների դեմ, որոնք ցանկանում են ոչնչացնել մարդկային կյանքը»,- ասլ է Թրամփը իր ելույթում: