Մի տան ծառից երկու ծիրան մի պոկի. Արման Սահակյանը՝ պատգամավոր չդառնալու մասին

Այսօր Երևանի ավագանու ընտրություններում քաղաքացիական իր պարտքը կատարելուց հետո  կառավարությանն առընթեր Պետական գույքի կառավարման վարչության պետ Արման Սահակյանը լրագրողների հետ զրույցում, պատասխանելով հարցին, թե որ պաշտոնում է իրեն տեսնում պատգամավորի մանդատից հրաժավելուց հետո, Արման Սահակյանը պատասխանեց. «Քաղաքական գործիչը պետք է կարողանա ընդունել իր քաղաքական թիմի որոշումները, ուստի քաղաքական թիմը կորոշի, թե հետագայում ինչ կլինի: Ես պատրաստ եմ աշխատել թե գործադիրում, թե օրենսդիրում»: Իսկ թե ինչ պաշտոն կզբաղեցնի գործադիրում, ասաց, որ դեռ քննարկումներ չեն եղել:

Դիտարկամանը, գուցե իր ինքնաբացարկը կապված էր նրա հետ, որ ԱԺ-ում չեն կարող հայր ու որդի միաժամանակ լինել, Արման Սահակյանը պատասխանեց. «Էդպիսի մի երգ կա` մի տան ծառից երկու ծիրան մի պոկի: Բայց փաստացի մեր հանրությունը երկրորդ ընտրատարածում իր ընտրությունը կատարել է: Նման խնդիր չկա, բայց ես ինքս եմ դեմ նման երևույթների»:

Հարցին, թե ինչպես կմեկնաբանի ՀՀԿ-ի կողմից հավաքագրումներին եւ ընտրախախտումներին, նշեց, որ ծանոթ չէ ընտրախախտումների վերաբերյալ հրապարակումներին, իսկ կուտակումները բնական են, քանի որ մարդիկ գալիս են ընտրելու: