Թուրքիայի պետական հեռուստաալիքի տնօրենը հրաժարական է տվել

Թուրքիայի պետական TRT հեռուստաալիքի տնօրեն Շենոլ Գյոքան հրաժարական է տվել: Ըստ Demokrathaber-ի՝ նա իր հրաժարականում նշել է, որ նման որոշում է կայացրել` «անհրաժեշտությունից ելնելով»:

Ըստ կայքի՝ Գյոքայի հրաժարականն ընդունվել է: Նրա փոխարեն ժամանակավորապես տնօրեն կնշանակվի հեռուստաալիքի գլխավոր տնօրենի օգնական Էրքան Դուրդուն:

Հիշեցնենք, որ Թուրքիայում քրդամետ Ժողովուրդների դեմոկրատաական կուսակցությունը պահանջել էր Գյոքայի հրաժարականը՝ սահմանադրական փոփոխությունների վերաբերյալ ընտրությունների քարոզչության ժամանակ կողմնապահություն անելու և բոլոր կուսակցություններին հավասար ժամանակ չտրամադրելու համար: