Պոլսահայությունը Աթեշյանի դեմ ստորագրահավաք է սկսել

Պոլսահայությունը Change.org կայքում ստորագրահավաք է սկսել՝  պահանջելով հայոց պատրիարքի փոխանորդ Արամ Աթեշյանի հրաժարականը:

Ստորագրահավաքի մասին տեղեկացնող հայտարարությունում նշվել է, որ Աթեշյանը արժանի չէ զբաղեցրած պաշտոնին: Պոլսահայերի տարածած հայտարարությունում նշվել է նաև, որ Աթեշյանն իր ապրելակերպով չի համապատասխանում իր եկեղեցական կոչմանը և, պաշտոնը չարաշահելով,  թալանում է Պոլսո Հայոց պատրիարքարանի նյութական ունեցվածքը:

Պոլսի հայ համայնքը պահանջել է նաև Աթեշյանին զրկել արքեպիսկոպոսի հոգևոր կոչումից։

Նշենք, որ Պոլսո պատրիարք Մեսրոպ Մութաֆյանը 2008 թվականից ի վեր կոմայի մեջ է, և նրա լիազորությունները կատարում է Արամ արքեպիսկոպոս Աթեշյանը, որն ընտրված է ոչ թե համայնքի, այլ պետության կողմից: Երկար ժամանակ է՝ Պոլսի հայ համայնքը պահանջում է նոր ընտրություններ անցկացնել: