Հայաստանը մտադիր չէ նոր օտարերկրյա ռազմաբազա բացել. Վիգեն Սարգսյանը` Интерфакс-ին

Հայաստանը չի պատրաստվում իր տարածքում օտարերկրյա պետությունների, այդ թվում՝ ռուսական նոր ռազմաբազաներ բացել, բայց պատրաստվում է արդիականացնել Գյումրիում տեղակայված ռուսական բազան: Այդ մասին ասել է ՀՀ պաշտպանության նախարար Վիգեն Սարգսյանն Интерфакс-ի հետ զրույցում:

«Այս պահին Հայաստանում  որևէ երկրի բազաների բացման մասին քննարկումներ հաստատ  չեն տարվում: Մենք չունենք նաև նման հարցում ռուսական կողմից»,- ասել է նա:

Նախարարը հավելել է, որ Գյումրիում տեղակայված 102-րդ բազան մեծ նշանակություն ունի: «Ռուսաստանը մեծապես աջակցում է Հայաստանի զինված ուժերի ուժեղացմանը: Այս պահին մենք Ռուսաստանի հետ շատ ծրագրեր ունենք՝ մեր կուրսանտների ուսուցումից մինչև գործողությունների համատեղ պլանավորում»,- ասել է նա: