Թուրք-քրդական բախումներ՝ Թուրքիայում. 7 զինվոր է վիրավորվել

Թուրքիայի հարավարևելյան Հաքքարի նահանգի Չուքուրջա շրջանում թուրք-քրդական բախումներ են տեղի ունեցել:

Ըստ Sozcu-ի՝ Քուրդիստանի բանվորական կուսակցության զինյալները փորձել են ներթափանցել Չուքուրջայում գտնվող Գյուվենդաղը ռազմաբազայի տարածք: Փոխհրաձգության հետևանքով սպանվել է երկու քուրդ զինյալ, 7 թուրք զինվոր վիրավորվել է, մեկի վիճակը ծանր է:

Միջադեպից հետո Թուրքիայի օդային ուժերը F-16 ռազմական  ինքնաթիռներով  և Cobra տեսակի ռազմական ուղղաթիռներով հարվածներ են հասցրել քուրդ զինյալների դիրքերին:

Թուրք-քրդական բախումներ են գրանցվել նաև թուրք-իրաքյան սահմանում: Նշվում է, որ ՔԲԿ-ական գրոհայինների մոտից առգրավվել են մեծ թվով ականանետներ, ինչպես նաև Կալաշնիկովի ինքնաձիգ: