Եվրախորհրդարանում Ուկրաինայի քաղաքացիների համար վիզաների վերացման հարցով քվեարկությունը կկայանա ապրիլի 6-ին

Եվրախորհրդարանը Ստրասբուրգում ապրիլի 6-ի լիագումար նիստում քվեարկության կդրվի Ուկրաինայի քաղաքացիների համար վիզաների վերացման հարցը. հայտնում է РИА Новости-ն`իր աղբյուրին հղումով:

«Քվեարկությունը, ինչպես սպասվում է, կկայանա ապրիլի 6-ին, իսկ քննարկումները կանցկացվեն մեկ օր առաջ»,- ասել է գործակալության զրուցակիցը:

Անցած շաբաթ Հարևանության և ընդլայնման քաղաքականության հարցերով եվրահանձնակատար Յոհանես Հանը հայտարարել է, որ հույս ունի, որ Ուկրաինայի քաղաքացիների համար առանց վիզայի ռեժիմն ուժի մեջ կմտնի մինչև այս տարվա ամառը՝ ԵՄ խորհրդի և Եվրախորհրդարանի որոշումների կայացման ընթացակարգերի ավարտից հետո: