Ես պատրաստ չեմ մեկնաբանել Լևոն Տեր-Պետրոսյանի ասածը. Շավարշ Քոչարյան

ԵԱՀԿ ՄԽ-ն  կայացած ինստիտուտ է, և այստեղ անձերի փոփոխությունը դերակատարում չունի. այսօր լրագրողների հետ զրույցում ասաց ԱԳ փոխնախարար Շավարշ Քոչարյանը: Ինչ վերաբերում է ՄԽ գործունեությունից ակնկալիքներին,  նա նշեց` քանի դեռ Ադրբեջանը բացարձակ ապակառուցողական դիրքորոշում է որդեգրել, շատ դժվար է հույսեր կապել որևէ այցի կամ հանդիպման հետ:

«Հիմա ամենակարևորը Վիեննայի ու Սանկտ Պետերբուրգի պայմանավորվածությունների իրականացումն է»,- ասաց Քոչարյանը:

Փոխարտգործնախարարը խուսափեց մեկնաբանել առաջին նախագահ Լևոն Տեր-Պետրոսյանի հարցազրույցը, որում նա խոսել է Արցախյան խնդրի կարգավորման, բանակցելու հմտությունների ու խնդրի լուծման տարբերակների մասին: «Ես պատրաստ չեմ մեկնաբանել Լևոն Տեր-Պետրոսյանի ասածը»,- ասաց Քոչարյանը: