Սա էլ Արևմուտքի դեմ ուղղված սպառնալիք է, ապրես. Փայլանը՝ Էրդողանին

Թուրքիայում քրդամետ Ժողովուրդների դեմոկրատական կուսակցության հայ պատգամավոր Կարո Փայլանը քննադատել է նախագահ Ռեջեփ Թայիփ Էրդողանին` նախօրեին Եվրոպայի բնակիչներին սպառնալու համար:

«Սա էլ Արևմուտքի դեմ ուղղված սպառնալիք է: Զբոսաշրջիկը չի գնա մի երկիր, որտեղ նրան սպառնում են: Փողոցները կմնան մեզ, ապրես»,- թվիթերյան իր էջում գրել է պատգամավորը:

Հիշեցնենք, որ Էրդողանը երեկվա իր ելույթում թիրախավորել էր եվրոպացիներին՝ ասելով, որ եթե Եվրոպան շարունակի նույն կերպ վարվել Թուրքիայի հետ` «Արևմուտքի ոչ մի բնակիչ չի կարողանա հանգիստ քայլել փողոցով»: Նշենք, որ նախընտրական քարոզարշավի հանրահավաքները չթույլատրելու համար վերջին շրջանում Թուրքիայի հարաբերությունները սրվել են եվրոպական մի շարք երկրների հետ, և թուրքական իշխանության ներկայացուցիչները հաճախ հակաեվրոպական սուր ելույթներով են հանդես գալիս: