ՊՆ-ն հրապարակել է տեսանյութ, որով բացահայտվում է ադրբեջանական ագրեսիան

ՀՀ մամուլի խոսնակ Արծրուն Հովհաննիսյանը հրապարակել է տեսանյութ, որն ապացուցում է ադրբեջանական կողմի` Արցախի հարավարևելյան (Մարտունի) և արևելյան (Ակնա) ուղղություններով հարձակման փորձեր իրականացնելու փաստը: 

Առաջին օղակը մատնանշում է «Տրոպա» ականազերծող համակարգի արձակումը:

Երկրորդում կարող եք տեսնել դրա արձակումից հետո առաջացած փոշին, ինչպես նաև հայկական կողմի պատասխան կրակը:

Երրորդ կադրում` ադրբեջանական ստորաբաժանումների փախուստն է` հայկական կողմի կրակի տակ: Կադրերը արտացոլում են գործողությունները Ակնի (Աղդամի) ուղղությամբ:

Իսկ վերջում պարզ երևում են Մարտունու հատվածում թողած դիակները։

Հիշեցնենք, որ գիշերը հակառակորդը Արցախի հարավարևելյան (Մարտունի) և արևելյան (Ակնա) ուղղություններով հարձակման փորձեր է արել, սակայն հետ է շպրտվել` մի քանի դիակ թողնելով չեզոք գոտում: