Երկու օր առաջ կրկին գնացել էր բժշկի. Հարթավանում 49-ամյա տղամարդ է ինքնասպան եղել

Արագածոտնի մարզի Հարթավան գյուղում 49-ամյա տղամարդը կախվելու միջոցով ինքնասպանություն է գործել:

Yerkir.am-ի հետ զրույցում Հարթավանի համայնքապետ Ժիրայր Ավետիսյանը նշեց, որ դեպքը տեղի է ունեցել նախօրեին գիշերը:

«Առաստաղից թելով կախվել էր: Ա. Խ.-ն ամուսնացած էր, երկու երեխա ունի` մեկ աղջիկ և մեկ տղա: Ա. Խ.-ն առողջության հետ կապված որոշ խնդիրներ ուներ աղեստամոքսային տրակտի հետ կապված: Երկու օր առաջ նորից գնացել էր բժշկի` դեղեր, ստուգումներ: Իմ կարծիքով` ինքնասպանության պատճառն առողջական խնդիրներն էին, քանի որ ուրիշ որևէ խնդիր չի ունեցել նա: Նրան լավ եմ ճանաչում` հաշտ ու խաղաղ ապրող  ընտանիք էր, աշխատում, ապրում էին` պարտքեր, բան  չունեին»,- ասաց Ավետիսյանը: