Ճոյտը լրագրողների շնորհիվ իրեն ապահով է զգում

Իշխանափոխություն պետք է կատարի միայն ժողովուրդը՝ իր քվեարկությամբ. լրագրողներին ասաց «Ծառուկյան» դաշինքի անդամ Հակոբ Հակոբյանը (Ճոյտ), ով առաջադրվելու է Արմավիրի մարզից: «Եթե լինենք մեծամասնություն, երկրի պատասխանատվությունը վերցնենք մենք, այդ ժամանակ իշխանությունը կլինի ընդդիմություն կամ կոալիցիայի մաս»,- ասաց նա:

Հակոբյանը նաև նշեց, որ Սերժ Սարգսյանի հեռանալու պահանջ իրենց առջև դրված չէ:

Հարցին՝ մտավախություն չունե՞ք, որ Արմավիրի մարզում, որտեղ հայտնի գեներալներն են առաջադրվելու, ճնշումներ կլինեն, նա պատասխանեց.  «Իհարկե, չունեմ մտավախություն, այսպիսի լրագրողական բանակ որ այսօր կա, ես որևիցե բանից չեմ վախենում»: