Պոլսի հայ համայնքի ներկայացւցիչները ժողով կգումարեն՝ քննարկելու Աթեշյան-Մարաշլյան կոնֆլիկտը

Պոլսում Հայոց պատրիարքարանի եկեղեցական խորհրդի նախագահ Սահակ եպիսկոպոս Մարաշլյանի պաշտոնական հրաժարականից հետո պոլսահայ հիմնադրամների մի շարք ներկայացուցիչների շրջանակներում խուճապ է առաջացրել:

Հիշեցնենք, որ տեր Մարաշլյանն իր հրաժարականի հարցում մեղադրել էր Պոլսի հայոց պատրիարքի փոխանորդ Արամ Աթեշյանին՝ նշելով, որ նա ամեն կերպ խոչընդոտում է նախընտրական գործընթացնի ու խախտում եկեղեցական կարգը: Նրա խոսքով՝ Աթեշյանը շարունակում է մնալ  փոխպատրիարքի աթոռին մանիպուլյացիայի և սպառնալիքների միջոցով:

Ըստ «Ակօս»-ի՝ Աթեշյանի և Մարաշլյանի միջև խնդիրները, ինչպես նաև հրաժարականի հարցը օրենքի շրջանակներում քննարկելու նպատակով Պոլսի հայկական համայնքի ներկայացուցիչներն ու հիմնադրամների նախագահները ժողով կգումարեն:

«Ակօս»-ի հետ զրույցում հիմնադրամների մի շարք ներկայացուցիչներ իրենց անձնական կարծիքն են հայտնել Մարաշլյանի հրաժարականի վերաբերյալ: Ոմանք ճիշտ են գնահատել Մարաշլյանի քայլը, մինչդեռ շատեր հրաժարականը համարել են մի շարք բացթողումների և թերացումների հետևանք: