Մարտի 1-ի մեջ դերակատարում ունեցողները կոչ են անում բացահայտել այն. Էդմոն Մարուքյան

«Ելք» դաշինքի ասուլիսում Էդմոն Մարուքյանը լրագրողների հետ զրույցում անդրադարձավ Օհանյանի հայտարարությանը, թե իրենք կբացահայտեն Մարտի 1-ի դեպքերը:

«Զարմանալի է, որ 2008 թվականի մարտի 1-ի իրադարձությունների մեղավորներին գտնելու կոչեր են անում մարդիկ, ովքեր այդ ժամանակ անմիջական դերակատարում են ունեցել»,- հայտարարեց նա:

Մարուքյանն ընդգծեց, որ Օհանյանը պաշտպանության նախարար էր այդ ժամանակ: «Հիմա նա հայտարարում է, թե կգան եւ կգտնեն Մարտի 1-ի իրադարձությունների մեղավորներին, իսկ որոշ ժամանակ անց նա կարող է նաև քաղբանտարկյալների ազատ արձակում պահանջել: Եթե թույլատրված է այդպես վերաբերվել քաղաքականությանը, ուրեմն ամեն ինչ թույլատրելի է»,- շեշտեց նա: