Երանի փակ չլիներ. թուրք նախարարն անդրադարձել է հայ-թուրքական փակ սահմանին

Թուրքիայի տրանսպորտի նախարար Ահմեդ Արսլանն անդրադարձել է հայ-թուրքական սահմանի փակ լինելուն:

Ըստ Milliyet-ի՝ նա ափսոսանք է հայտնել սահմանի փակ լինելու կապակցությամբ՝ միաժամանակ կրկնելով Արցախի մասին թուրքական իշխանությունների զառանցանքները:

«Ցավոք, Հայաստանի հետ սահմանը փակ է: Երանի փակ չլիներ, սակայն կա մեկ պայման»,- հայտարարել է թուրք նախարարը:

 «Այդ ժամանակ արդեն սահմանն էլ կբացենք»,- հայտարարել է Արսլանը:

Ի դեպ, նախարարը նաև անդրադարձել է Բաքու-Թիֆլիս-Կարս երկաթգծի շինարարությանը: Նրա խոսքով՝ մարտ-ապրիլ ամիսներին հնարավոր կլինի փորձնական աշխատանքներ իրականացնել, իսկ երկաթգծի բացումը նախատեսվում է տարվա կեսերին: