Համբուրգի օդանավակայանում անհայտ անձը գազ է տարածել բալոնից

Գերմանական Համբուրգ քաղաքի Հելմուտ Շմիդտի անվան օդանավակայանի շենքը բացվել է այցելուների համար: Այս մասին ասված է ոստիկանության հաղորդագրությունում:

TACC-ի փոխանցմամբ՝ Համբուրգի օդանավակայանում ուղեւորների մոտ հազ եւ ծանր շնչառություն առաջացրած նյութը, ամենայն հավանականությամբ, պղպեղային գազն է եղել:

Նախնական վարկածով՝ անհայտ անձը գազ է տարածել բալոնից, որը հետագայում հայտնաբերվել է օդանավակայանում: Ենթադրվում է, որ նյութը տարածվել է օդափոխման համակարգով: «Մեր գնահատմամբ՝ խոսքն ահաբեկչության մասին չէ»,- նշել են փրկարարները:

Ընդհանուր առմամբ, 68 մարդ է տուժել, 9-ը հիվանդանոց է տեղափոխվել: Ոստիկանությունը հետաքննություն է սկսել: