Սնափառության տոնավաճառ. Իտալիայում մեկնարկել է կառնավալային սեզոնը

Վենետիկում մեկնարկել է դիմակներով եւ պատմական կոստյումներով կառնավալը։ Թեպետ արարողության հիմնական միջոցառումները նշանակված են եկող հանգստյան օրերին, քաղաքում արդեն սկսվել են տոնախմբությունները, որոնց հարյուր հազարավոր զբոսաշրջիկներ են մասնակցում, հայտնում է ՏԱՍՍ–ը։

Այս տարի կառնավալի թեման է «Ստեղծարարություն. սնափառության տոնավաճառ»։ Այդ ընտրությունը պատահական չէ։ Կառնավալի գեղարվեստական ղեկավար Մարկո Մակկապանին տարիներ շարունակում աշխատում է նորաձեւության ոլորտում՝ կազմակերպելով ցուցադրություններ տարբեր բրենդերի համար։

Ավանդույթի համաձայն՝ կառնավալը մեկնարկում է Վենետիկի ջրանցքներից, որտեղ այսօր ջրային լուսային շոուներ կկազմակերպեն մակույկների վրա։ Կառնավալի շրջանակում կտոնեն նաեւ Սուրբ Վալենտինի օրը։