Բաքուն հաշվի է առնում Հայաստանում ռուսական ռազմակայանի առկայությունը. Մամեդյարով

Ռուսաստանյան ռազմակայանի առկայությունը Հայաստանում Մոսկվայի և Երևանի գործն է, սակայն Բաքուն դա հաշվի է առնում. РИА Новости-ին տված հարցազրույցում ասել է Ադրբեջանի արտգործնախարար Էլմար Մամեդյարովը:

«Դա, անշուշտ, Ռուսաստանի և Հայաստանի երկկողմ հարաբերությունների գործն է` իհարկե, ըմբռնելով այն, որ տաածաշրջանի յուրաքանչյուր պետություն նույնպես արձագանքում է` ելնելով մարտահրավերներից ու սպառնալիքներից, որոնց բախվում է: Այդ գործոնը նույնպես պետք է հաշվի առնել»,- ասել է նա:

Մամեդյարովը հավելել է, որ այդ ռազմակայանը դեռևս խորհրդային ժամանակներից է Հայաստանում` ՆԱՏՕ-ի անդամ Թուրքիայի հետ սահմանին: «Տվյալ դեպքում ես այսպես եմ հասկանում` թող Ռուսաստանն ու Հայաստանն իրենք որոշեն, բայց, իհարկե, մենք նույնպես պետք է աչքերը բաց պահենք` հաշվի առնելով մարտահրավերներն ու սպառնալիքները»,- ընդգծել է նա: